စံးထီၣ်ပတြၢၤ ၁၂၇း၃, ကွၢ်ကွၢ်, ပဖိပလံၤန့ၣ် မ့ၢ်တၢ်န့ၢ်သါလၢယွၤ လီၤ. ဒီးပှၤဒၢလီၢ် အတၤသၣ်န့ၣ် မ့ၢ်တၢ်အဘူး အလဲလီၤ.
ပဖိမုၣ်ဖိခွါ တဖၣ် မ့ၢ် တၢ်ဟ့ၣ်လၢ ကစၢ်ယွၤဟ့ၣ်ပှၤ ခဲလၢာ်အကျါ အလုၢ်အပှ့ၤဒိၣ်ကတၢၢ် လီၤ. တၢ်ဟ့ၣ်လၢ ကစၢ်ယွၤဟ့ၣ်ပှၤ လၢအမ့ၢ်ပဖိမုၣ်ဖိခွါ တဖၣ်အံၤ ပအိၣ်စ့ၢ်ကီး မူဒါလၢ ပက ကွၢ်ထွဲ, ဒီး ဒုးဒိၣ်ထီၣ် အဝဲသ့ၣ် လၢ ကလဲၤဒ် တၢ်ဘၣ်ယွၤ အသး ဒီးပှၤကညီအသး န့ၣ်လီၤ. Oak Ridge Baptist Church အပှာ်ယဲၤ သန့ အပူၤ အတၢ်ကွဲး လၢလါ ယူၤလံ ၉ သီ, ၂၀၂၁ နံၣ် တခါစံးဝဲ, တၢ်ဒုးဒိၣ်ထီၣ် ပဖိမုၣ်ဖိခွါ တဖၣ် လၢတၢ်ဘၣ်ယွၤ အသး အပူၤန့ၣ် လိၣ်ဘၣ် (၁). တၢ်အိၣ်မူ ကဲထီၣ်ဒိတဲာ် ဂ့ၤ လၢ ပဖိမုၣ် ဖိခွါ တဖၣ်အဂီၢ်, (၂). ဒုးနဲၣ် အဝဲသ့ၣ် ကအိၣ် ဒီး တၢ်ဆိကမိၣ်လၢ အပဲာ်ဖး နီၤဖး တၢ်သ့, (၃). သိၣ်လိ အဝဲသ့ၣ် လၢ ကဘၣ် အဲၣ်တၢ် ဒ်လဲၣ် ခီဖျိ အဲၣ်အဝဲသ့ၣ်လၢ တ အိၣ် ဒီး တၢ်ကွၢ်ဒိၣ်ဆံးတၢ်ဘၣ်, (၄). မၤစၢၤ အဝဲသ့ၣ် လၢ ကသ့မၤ စၢၤပှၤအဂၤ, (၅). နီၤလီၤ န့ၢ်အဝဲသ့ၣ် နတၢ်စူၢ် တၢ်နာ် ခီဖျိ တၢ်ဖးသကိး ယွၤကလုၢ် ကထါ, (၆). ဘါထု ကဖၣ်ဃုာ်ဒီးအဝဲသ့ၣ်, (၇). ပျဲအဝဲသ့ၣ် လၢ ကအိၣ် ဒီး အတၢ် စူၢ်တၢ်နာ် ဒၣ်ဝဲ တက့ၢ်.
တၢ်ဂ့ၢ်နွံထံၣ်လၢအဘၣ်ဃးဒီး တၢ်ဒုးဒိၣ်ထီၣ်ဖိလၢ အဘၣ် ယွၤ အသး အံၤန့ၣ် အခဲအံၤ ပမၤအီၤ မ့ၢ်တလၢပှဲၤ ဘၣ်ဆၣ်, ပဖးအီၤဝံၤ ပသုတပာ်အီၤဒ်န့ၣ်တဂ့ၤ. ပကဆိ ကမိၣ်လၢအဂ့ၢ်, ဒီးပက သ့ စိာ်မူစိာ်ဂဲၤအီၤ လၢခါဆူ ညါ လၢပဖိမုၣ်ဖိခွါ အတၢ်ဒိၣ်ထီၣ်လၢ ကီၢ်သၢဘ့ၣ် တဘ့ၣ် အံၤ အပူၤအဂီၢ်န့ၣ်တက့ၢ်.
လၢ – ယိၤရှံယၤလ့
