စီၤပၤတူၢ်လိာ်ဝဲ ဒီး ဘိးဘၣ်သ့ၣ်ညါလီၤဝဲဆူ အဘီအမုၢ်အပူၤလီၤ. ဘၣ်ဆၣ် စီၤဒၤနံးယ့လး န့ၣ် ထုကဖၣ်ဒၣ် ဆူ ကစၢ်ယွၤအအိၣ်လီၤ. အဝဲတီၤလီၤဒီး ဃ့တၢ်ဆူ ကစၢ် ယွၤအအိၣ် တနံၤသၢဘျီလီၤ. စီၤပၤမ့ၢ်ဟ့ၣ်လီၤတၢ်ကလုၢ် ဒၣ်လဲာ်, အဝဲဃ့ တၢ်ဆူ ကစၢ် ယွၤ အအိၣ် လီၤ.
ဖဲပှၤဂၤတဖၣ် ထံၣ်တၢ်အံၤန့ၣ်, အဝဲသ့ၣ်လဲၤဆူ စီၤပၤအအိၣ်ဒီး တဲဘၣ်အီၤ, “စီၤဒၤနံးယ့လး တမၤပိာ်ထွဲနကလုၢ်ဘၣ်. အဝဲ ဘါထီၣ်ဒၣ်အယွၤ တနံၤသၢဘျီလီၤ.” စီၤပၤန့ၣ် သးအုးဒိၣ်မး, မ့ၢ်လၢ အဝဲဒၣ် ဘၣ်သူၣ်ဘၣ်သး စီၤဒၤနံးယ့လးအဃိ အဲၣ်ဒိး ပျၢ်ဖျဲးကွံာ်အီၤလီၤ. ဘၣ်ဆၣ် ပှၤတဖၣ်န့ၣ်တဲအီၤ, “စီၤပၤဧၢ, နတၢ်ကလုၢ်န့ၣ် တၢ်ဆီ တလဲ အီၤ တသ့ဘၣ်.”
အဃိ, စီၤပၤဒၤရယါဝ့ၣ် ဘၣ်ထၢနုာ် စီၤဒၤနံးယ့လး လၢခ့ယုၢ်ကပိၤပူၤ လီၤ. တၢ်တနၤန့ၣ်, စီၤပၤ မံတန့ၢ်ဘၣ်. လၢဂီၤ ခီဂီၤဂီၤန့ၣ်, အဝဲဂဲၤဆၢထၢၣ် ဒီးလဲၤဆူ ခ့ယုၢ် ကပိၤလီၤ. အဝဲဒၣ်ကိးထီၣ် ဒီးစံးဝဲ, “စီၤဒၤနံးယ့လးဧၢ, ကစၢ်ယွၤမၤ ပူၤဖျဲးနၤလၢ ခ့ယုၢ် ဧါ.” စီၤဒၤနံးယ့လး စံးဆၢအီၤ, “ယကစၢ်ယွၤဆှၢလီၤ ကလူးလၢကကးတံၢ် ခ့ယုၢ်အကိာ်ပူၤ အဃိ အဝဲသ့ၣ် တမၤဆါယၤဘၣ်.” ဖဲန့ၣ် စီၤပၤသးခုဝဲ, ဒီးမၢ ပှၤထုးထီၣ်ကွံာ် စီၤဒၤနံးယ့လး လၢခ့ယုၢ်ကပိၤပူၤ, ဒီးမၢပှၤထၢနုာ် ပှၤလၢအကူၣ်အၢ စီၤဒၤနံးယ့လး တဖၣ် လၢ ခ့ယုၢ်ကပိၤပူၤလီၤ.
(ဒၤနံးယ့လး ၆)
