ကစၢ်ယွၤတဲဘၣ် စီၤနိအၤလၢ ကတ့ထီၣ် ကဘီဖးဒိၣ် တဘ့ၣ်, ဒီးထၢနုာ် ဆၣ်ဖိကီၢ်ဖိ အမိၢ်တဒု အဖါ တဒု, ခံဒုစုာ်စုာ် လၢကဘီပူၤလီၤ. ကစၢ်ယွၤတဲဘၣ် စီၤနိအၤလၢ အကဆှၢလီၤ ထံလုာ်ဘၢဟီၣ်ခိၣ်, ဒီး ကဘီအံၤ ကမၤပူၤဖျဲး စီၤနိအၤ ဒီး အဟံၣ်ဖိဃီဖိ, ဃုာ်ဒီး ဆၣ်ဖိကီၢ်ဖိ တဖၣ်လီၤ.
လၢတဘျုးနံၣ်အတီၢ်ပူၤ စီၤနိအၤ ဒီးအဟံၣ်ဖိဃီဖိ တ့ထီၣ်ကဘီဖးဒိၣ် တဘ့ၣ်လီၤ. အဝဲသ့ၣ် ပာ်ဖှိၣ်ဃာ် တၢ်အီၣ်တၢ်အီ လၢအဝဲသ့ၣ်အဂီၢ်, ဒီးလၢဆၣ်ဖိကီၢ်ဖိတဖၣ်အဂီၢ်, ဖဲထံလုာ်ဘၢတၢ်အခါလီၤ. ဖဲကဘီဖးဒိၣ်ဝံၤ အခါ, စီၤနိအၤ ဒီးအဟံၣ်ဖိဃီဖိ, ဃုာ်ဒီး ဆၣ်ဖိကီၢ်ဖိတဖၣ် လဲၤနုာ်လီၤလၢ ကဘီပူၤလီၤ.
ဝံၤအလီၢ်ခံ မူခိၣ်စးထီၣ်စူၤလီၤလၢ အသီလွံၢ်ဆံအတီၢ်ပူၤလီၤ. ထံလုာ်ဘၢကွံာ် ဟီၣ်ခိၣ်ဒီတဘ့ၣ် ဘၣ်ဆၣ် ကဘီန့ၣ် ထီၣ်ဖီလၢ ထံဖံးခိၣ်လီၤ. အသီလွံၢ်ဆံပူၤကွံာ်, မူခိၣ်စူၤကတၢၢ်ကွံာ်ဝဲ, ဒီးထံလီၤသံး ကွံာ်ဝဲ လီၤ. စီၤနိအၤ အိၣ်ခိးဝဲလၢ စှၤသီအတီၢ်ပူၤဝံၤ, ပျၢ်လီၤ ထိၣ်လွံၢ်တဘ့ၣ်လီၤ. တဟါဃီ, ထိၣ်လွံၢ် တဘ့ၣ်န့ၣ် ဟဲက့ၤစိာ်ဃုာ်ဒီး သ့ၣ်စၤယံးအလၣ် သံသိ တဘ့ၣ်, အဃိ စီၤနိအၤ သ့ၣ်ညါလၢ ထံလီၤသံး ကွံာ်ဝဲ လီၤ. ဒီးဖဲကစၢ်ယွၤ တဲဘၣ် အဝဲသ့ၣ် လၢ ဟးထီၣ်လၢကဘီပူၤသ့လံန့ၣ်, အဝဲသ့ၣ်ဟးထီၣ်လၢ ကဘီပူၤ, ဝံၤ စီၤနိအၤတ့ထီၣ် တၢ်လုၢ်လီၢ် ဒီး စံးဘျုး က့ၤကစၢ်ယွၤလီၤ.
ဝံၤအလီၢ်ခံ ကစၢ်ယွၤတဲဘၣ် စီၤနိအၤ, “ယအဲၣ်ဒိးမၤ တၢ်အၢၣ်လီၤအီလီၤဒီး သုလီၤ. ယအၢၣ် လီၤလၢ ယတမၤဟးဂီၤဟီၣ်ခိၣ်အံၤဒီးထံ နီတဘျီလၢၤဘၣ်. ကွၢ် တၢၢ်ကွဲၤလၢ မူကပိာ်လိၤတက့ၢ်. အဝဲ အံၤမ့ၢ် ယတၢ်အၢၣ်လီၤအီလီၤ အပနီၣ်လီၤ. ဖဲနထံၣ်တၢၢ်ကွဲၤ တဘျီလၢ်လၢ် နက နၢ်ပၢၢ် ဒီး စံး, “ယွၤအိၣ် ဒီးပှၤ” လီၤ.” တၢ်အံၤဝံၤအလီၢ်ခံ, ပှၤ ဟီၣ်ခိၣ်ဖိတဖၣ် ရၤလီၤအသးလၢ ဟီၣ်ခိၣ်ဒီဘ့ၣ်ညါအလိၤလီၤ.
(၁ မိၤရှ့ ၆ - ၉)
