ဖဲယ့ၣ်ရှူး အသးအိၣ် ၁၂ နံၣ်န့ၣ်, အဝဲဒၣ်လဲၤဆူ ဝ့ၢ်ယရူၤရှလ့ၣ် အခီၣ်ထံးကတၢၢ်တဘျီ ဃုာ်ဒီး အမိၢ်အပၢ် လၢဘူၣ်လဲၤကပာ် အဂီၢ်လီၤ. အဝဲသ့ၣ်လဲၤဃုာ်ဒီး အသကိးအါဂၤ ဒီး အဘူးအတံၢ်တဖၣ် စ့ၢ်ကီးလီၤ.
ဖဲဘူၣ်လဲၤကပာ်ဝံၤ ပှၤကိးဂၤဒဲးက့ၤကဒါက့ၤ ဆူအဟံၣ်အခါ, ယ့ၣ်ရှူးအိၣ်တ့ၢ်လၢ ဝ့ၢ်ယရူၤရှ လ့ၣ် အပူၤလီၤ. ဖဲ စီၤယိၤသး ဒီး နီၢ်မၤရံ တထံၣ်လၢၤယ့ၣ်ရှူးအခါ, အဝဲသ့ၣ်ဆိကမိၣ်, “ယ့ၣ်ရှူးန့ၣ် ကအိၣ်တပူၤဃီဒီး အဘူးအတံၢ် လီၤ.” တၢ်တဟါန့ၣ်, အဝဲသ့ၣ်ကွၢ်ဃု ယ့ၣ်ရှူးလၢတၢ်လီၢ်ကိးပူၤဒဲး လီၤ. ဘၣ်ဆၣ် အဝဲသ့ၣ်တထံၣ်အီၤဘၣ်. အဃိ, အဝဲသ့ၣ်က့ၤကဒါက့ၤ ဆူ ဝ့ၢ်ယရူၤရှလ့ၣ် လၢကကွၢ်ဃုအီၤ အဂီၢ်လီၤ.
သၢသီပူၤကွံာ်, အဝဲသ့ၣ်ထံၣ်ယ့ၣ်ရှူးလၢ တၢ်လုၢ်ဟံၣ်အပူၤလီၤ. အဝဲဒၣ်အိၣ်လၢ သရၣ်တဖၣ် အခၢၣ်သး ဒီး ဒိကနၣ် အဝဲသ့ၣ်တဖၣ်ကတိၤတၢ် ဘၣ်ဃး ကစၢ်ယွၤအဂ့ၢ်ကျိၤ လီၤ. အဝဲဒၣ်သံကွၢ် တၢ်သံကွၢ်တဖၣ်, ဒီးဖဲ သရၣ်တဖၣ် သံကွၢ်အီၤတၢ်အခါ အဝဲဒၣ်သ့ၣ်ညါ တၢ်စံးဆၢခဲလၢာ်လီၤ. ပှၤလၢ အနၢ်ဟူအတၢ်စံးကတိၤတဖၣ် ကမၢ ကမၣ်ဝဲ ခဲလၢာ်လီၤ.
ဖဲအမိၢ်ထံၣ်အီၤအခါ, အမိၢ်လဲၤချ့ချ့ဆူအအိၣ်, ဒီးစံး, “ယဖိခွါဧၢ, နမၤပှၤဒ်အံၤဘၣ်မနုၤလဲၣ်. နပၢ်ဒီးပှၤ ပဃုနၤ ဒီး ပဘၣ်ကိၢ်ဘၣ်ဂီၤ ဒိၣ်မးလီၤ.” “ယ့ၣ်ရှူးစံးဆၢအီၤ, “ဘၣ်မနုၤနဃုယၤလဲၣ်. နတ သ့ၣ်ညါ လၢယကဘၣ်အိၣ်လၢ ယပၢ်အဟံၣ်ပူၤ ဘၣ်ဧါ.” ဘၣ်ဆၣ်အဝဲသ့ၣ်တနၢ်ပၢၢ် တၢ်လၢအအဲၣ်ဒိး စံးဝဲန့ၣ်ဘၣ်.
ယ့ၣ်ရှူးက့ၤဒီးအဝဲသ့ၣ် ဆူ ဝ့ၢ်နစၤရ့း, ဘၣ်ဆၣ် အမိၢ်တသးပ့ၤနီၣ် တၢ်ကတိၤလၢ ယ့ၣ်ရှူး စံးဘၣ်အီၤ လၢ တၢ်လုၢ်ဟံၣ်အပူၤန့ၣ်ဘၣ်. ယ့ၣ်ရှူးဒိၣ်ထီၣ်လၢ နီၢ်ခိ, လၢတၢ်သ့ၣ်ညါ, ဒီးလၢတၢ်ဘၣ်ယွၤ အသးဒီး ပှၤကညီအသး လီၤ.
(လူၤကၣ် ၂)
