ဒီးနဲဒၣ်ပှၤကညီဖိခွါဧၢ, ယပာ်တ့ၢ်နၤလၢ ပှၤပၢၤတၢ်ဖိလၢ အံၣ်စရ့လး အပှၤဟံၣ်ဖိအဂီၢ်, ဒီးနဘၣ်ကနၣ် တၢ်ကတိၤလၢယထးခိၣ်, ဒီးဒုးပလီၢ် အသးလၢ ယၤလီၤ. (ယဃ့းစက့လး ၃၃း၇).ခိၣ်နၢ်လၢအဒိၣ်အထီကတၢၢ်လၢဟီၣ်ခိၣ်အံၤ တဖၣ် ညီနုၢ်ဒိးသန့ၤအသးလၢ ပှၤစှၤဂၤလၢ အနာ်ဝဲတဖၣ် အတၢ်ဟ့ၣ်ကူၣ်ဟ့ၣ်ဖးတဖၣ်လီၤ.
အဝဲသ့ၣ်သ့ၣ်ညါ တၢ်ဆၢကတီၢ်လၢ ကဘၣ်ဃ့တၢ်မၤစၢၤ ဒီး ပှၤလၢ ကဘၣ်နာ်အီၣ်ဝဲတဖၣ်လီၤ. တၢ်အံၤ ပသူအီၤသ့စ့ၢ်ကီးလၢ ပကစၢ်ဒၣ်ဝဲအဂီၢ် ဒီး ပတၢ်ဖံးတၢ်မၤအဂီၢ်လီၤ.
လၢအဘၣ်ဃးဒီး နီၢ်ဒီမါဝၤ, နဖိတဖၣ်, ဒီး နတၢ်ဖံးတၢ်မၤန့ၣ် နကနာ်အီၣ်မတဂၤအတၢ်ဟ့ၣ်ကူၣ်ဟ့ၣ်ဖးလဲၣ်. ပှၤလၢအကဟ့ၣ်ကူၣ်ဟ့ၣ်ဖးနၤလၢ နီၢ်ခိတကပၤန့ၣ် အိၣ်အါမးလီၤ. ဘၣ်ဆၣ် လၢနနီၢ်သးအဂီၢ်မီၣ်. ဖဲနတၢ်စူၢ်တၢ်နာ်အတၢ်လဲၤအပူၤ နမ့ၢ်ဘၣ်သဂၢၢ်ဒီး တၢ်ကီတၢ်ခဲန့ၣ် နကလဲၤဖဲလဲၣ်.
ထီဘိန့ၣ် ကစၢ်ယွၤကတိၤတၢ်ဒီးပှၤ ခီဖျိ အကလုၢ်ကထါလီၤ. သနာ်က့, ကစၢ်ယွၤ ပာ်လီၤန့ၢ်ပှၤ ပှၤစှၤဂၤလၢ ပတၢ်အိၣ်မူအပူၤ လၢကဟ့ၣ်ဂံၢ်ဟ့ၣ်ဘါပှၤ ဒီး မၤစၢၤပှၤ လၢပတၢ်လဲၤကျဲအပူၤလီၤ. လီၤဆီဒၣ်တၢ် ပှၤဒ်အမ့ၢ် ပှၤစံၣ်တဲၤတဲလီၤတၢ် လီၤ. လၢလံာ်စီဆှံအပူၤ, ကစၢ်ယွၤစံးဘၣ် ဝံယဃ့းစက့လး လၢ ပှၤစံၣ်တဲၤတဲလီၤတၢ် တဖၣ် ကဘၣ်ကတိၤကစၢ်ယွၤအကလုၢ်ကထါ, တဲလံာ်စီဆှံအခီပညီ, လၢ ကသိၣ်လိတၢ်အဂီၢ်, လၢကဟ့ၣ် ဂံၢ်ဟ့ၣ်ဘါပှၤအဂီၢ်, လၢကဟ့ၣ်ပလီၢ်ပှၤအဂီၢ်, ဒီးလၢကဃၣ်လိၤပှၤအဂီၢ်လီၤ. အဝဲအံၤမ့ၢ် တၢ်တၤတၢ် ဖးဒိၣ် တခါ, လီၤဆီဒၣ်တၢ် လၢအဘၣ်ဃးဒီး တၢ်ဟ့ၣ်ပလီၢ်ဒီး တၢ်မ့ၢ်တၢ်တီလၢလံာ်စီဆှံအပူၤ တဖၣ်လီၤ. ဒ်ပှၤဟ့ၣ် ကူၣ်ဟ့ၣ်ဖးခိၣ်နၢ်လၢအဘူးကတၢၢ်တဂၤအသိး, ပှၤစံၣ်တဲၤတဲလီၤ တဖၣ် ဘၣ်တၢ်ကိးအီၤလၢ ကကတိၤတၢ် လၢတၢ်တီတၢ်လိၤအပူၤ, ဒုးနဲၣ် တၢ်လၢအကကဲထီၣ် တၢ်နီးတၢ်ဘျး ဒီး တၢ်ဒဲးဘးတဖၣ်, ဒီးကတိၤ တၢ်မ့ၢ်တၢ်တီ လၢကျဲအပူၤလီၤ.
လၢစိၤလၢပျၢၤအတၢ်ဆဲးတၢ်လၤအပူၤ, ဝ့ၢ်အါတက့ၢ် အိၣ်ဒီး ဝ့ၢ်ခိၣ်ဒူ ဖးဒိၣ်ဖးထီတဖၣ် လၢ ကတြီဆၢ အဒုၣ်အဒါ အဂီၢ်လီၤ. လၢတၢ်ဒူၣ်တဖၣ်အထီကတၢၢ်အဖီခိၣ်န့ၣ် ပှၤကွၢ်တၢ်ဖိတဖၣ် ဘၣ်တၢ်ပာ်လီၤအီၤ ဒ်သိး ကဟ့ၣ်ကလီၢ် ပှၤဝ့ၢ်ဖိ ဖဲဒုၣ်ဒါဟဲဘူးဒီးအဝဲသ့ၣ်အခါလီၤ. ပှၤစံၣ်တဲၤတဲလီၤတဖၣ် ကဘၣ်မ့ၢ် စိၤခဲအံၤ ပှၤကွၢ်တၢ် ဖိတဖၣ်လီၤ. ဖဲအဝဲသ့ၣ်ကတိၤ ကစၢ်ယွၤအကလုၢ်ကထါန့ၣ်, အဝဲသ့ၣ်မၤ အတၢ်မၤဒၣ်ဝဲလီၤ. ဘၣ်ဆၣ် ဖဲအဝဲသ့ၣ် ကတိၤပှၤကညီအတၢ်ကတိၤန့ၣ်, အဝဲသ့ၣ်အလုၢ်အပှ့ၤတအိၣ်ဘၣ်. အဃိ, ဖဲနဃ့တၢ်ဟ့ၣ်ကူၣ်ဟ့ၣ်ဖးန့ၣ် ကွၢ်အီၤလီၤတံၢ်လီၤဆဲးတက့ၢ်.
ပှၤကိးဂၤဒဲးလိၣ်ဘၣ် တၢ်ဟ့ၣ်ကူၣ်ဟ့ၣ်ဖးလၢ အတၢ်အိၣ်မူအပူၤလီၤ. လၢမတဂၤအအိၣ်လဲၣ်, သရၣ်သမါအအိၣ် ဧါ, တံၤသကိးအအိၣ်ဧါ. ဘၣ်မနုၤနနီၣ်သးအတၢ်အိၣ်မူ ကြၢးလီၤဆီလဲၣ်.
ပှၤလၢနနာ်န့ၢ်အီၤ လၢကတဲနၤ တၢ်မ့ၢ်တၢ်တီ တီတီလိၤလိၤ, လၢအကဟ့ၣ်ဂံၢ်ဟ့ၣ်ဘါနၤလၢ မုၢ်နံၤကီခဲတဖၣ် အပူၤ, ဒီးလၢအကဟးဒီးနၤ လၢနတၢ်စူၢ်တၢ်နာ်အတၢ်လဲၤကျဲအပူၤ မ့ၢ်တအိၣ်နီတဂၤဘၣ်န့ၣ်, ဃ့ကစၢ်ယွၤလၢ ကဟ့ၣ်နၤ ပှၤတဂၤ လၢတနံၤအံၤတက့ၢ်. ပှၤတဂၤလၢ ကသိၣ်လိနၤ ကစၢ်ယွၤအကလုၢ်ကထါ, တၢ်မ့ၢ်တၢ်တီ, မ့ၢ်လၢ ပှၤကိးဂၤဒဲး လိၣ်ဘၣ် ပှၤလၢကနာ်န့ၢ်ဝဲအဂီၢ်အဃိလီၤ.
