.jpeg)
ဒီးယသ့ၣ်နီၣ်ထီၣ်က့ၤ တၢ်နာ်နီၢ်နီၢ်, လၢအအိၣ်လၢနပူၤ, ဒီးအိၣ်ဆိလၢ နဖံနီၢ်လိၤအ့ၣ်အပူၤ, ဒီးလၢ နမိၢ် နီၢ်အူနံက့ၤ အပူၤ, ဒီးယနာ်နီၢ်နီၢ်လၢ အအိၣ်စ့ၢ်ကီးလၢ နပူၤန့ၣ်လီၤ. (၂ တံၤမသ့း ၁း၅).
အဝဲန့ၣ်မ့ၢ် တၢ်စံးဆၢ ယိယိဖိတဖျၢၣ် လၢတၢ်သံကွၢ်လၢ အဒိၣ်ဝဲယိာ်ဝဲအဂီၢ်လီၤ. သနာ်က့ တၢ်သံကွၢ်တဖျၢၣ်အံၤ တဲဘၣ်ဃး မိၢ်တဖၣ် အတၢ်လုၢ်ဘၢလၢဟံၣ်ပူၤ ဒီးလၢအဖိတဖၣ်အဖီခိၣ် အါမးလီၤ. ဖဲမိၢ်ဒီးပၢ် ခံဂၤလၢာ် အိၣ်ဒီး အမူအဒါဖးဒိၣ် လၢအဖိတဖၣ်အတၢ်ဒိၣ်ထီၣ်အဂီၢ်အခါ, ညီနုၢ်မိၢ်တဖၣ် မ့ၢ်ပှၤလၢ အသိန့ၢ်ဘှီန့ၢ် ဟံၣ်အက့ၢ်ကဂီၤ ဒီး အဖိဆံးတဖၣ် အသးအတၢ်သ့ၣ်ညါ တဖၣ်လီၤ. ညီနုၢ် မိၢ်တဖၣ် မ့ၢ်ပှၤအဆိကတၢၢ်လၢ အတဲန့ၢ်အဖိတဖၣ်လၢ ကစၢ်ယွၤအဂ့ၢ်အကျိၤလီၤ.
နမိၢ်မ့ၢ်အိၣ်မူဒံးန့ၣ်, တဲအီၤလၢနအဲၣ်အီၤဆံးအါလဲၣ် ဒီး ပာ်ကဲအီၤတက့ၢ်. စံးဘျုးယွၤလၢ အဝဲမ့ၢ် တၢ်လၢအမ့ၢ်, ဒီးပှၤလၢအသိန့ၢ်ဘှီန့ၢ် နတၢ်အိၣ်မူဒ်လဲၣ်န့ၣ်တက့ၢ်. နမိၢ်မ့ၢ်တအိၣ်မူလၢၤဘၣ်တခီ, စံးဘျုးယွၤလၢ နတၢ်အိၣ်မူ အပူၤ အဝဲမ့ၢ်တ့ၢ်ပှၤဒ်လဲၣ်တဂၤလဲၣ် န့ၣ်တက့ၢ်.
ဘၣ်သ့ၣ်သ့ၣ် နမိၢ်မ့တမ့ၢ် မိၢ်တဂၤဒ်နဆၢမုၢ်လၢ်တ့ၢ်အသိးဘၣ်ဆၣ်, ဃ့ကစၢ်ယွၤလၢ ကမၤစၢၤနၤ လၢနပျၢ် အတၢ်ကမၣ်, ဒီး ဟ့ၣ်နၤ တၢ်ဘျုးတၢ်ဖှိၣ်လၢနကအဲၣ် ဒီးတူၢ်လိာ် အီၤဒ်အမ့ၢ်တၢ်အသိးန့ၣ်တက့ၢ်.
ကစၢ်ယွၤဧၢ, ပစံးဘျုးနၤလၢ ပမိၢ်တဖၣ်အဃိလီၤ. မၤစၢၤပှၤဒ်သိး ပကအဲၣ်အီၤဒီး ပာ်ကဲအီၤ တက့ၢ်. မၤစၢၤပှၤ ဒ်သိး ပကမ့ၢ်ဖိလၢအသ့အဲၣ်တၢ်, ဒီး မိၢ်ပၢ်တဖၣ်လၢ အသ့အဲၣ်တၢ် လၢခရံာ်အမံၤတက့ၢ်. အၤမ့ၣ်.
.jpeg&description=ယူးယီၣ်နမိၢ်သးဘိ (မိၢ်မုၢ်နံၤတၢ်ကစီၣ်လီၤဆီ)){kind=link}