အသးတဒ့ဒီဘၣ်လၢ တၢ်တနၥ်ဘၣ်ယွၤ အတၢ်စံးပၥ်အဃိ, မ့ၢ်အနၥ်ဝဲ ဆူၣ်ဆူၣ်ဒီး, မၤလၤကပီၤယွၤ, ဒီးနၥ်ဝဲလၢလၢပှဲၤပှဲၤ လၢ ပှၤလၢအစံးပၥ်တၢ်တဂၤန့ၣ်, မၤဝဲသ့စ့ၢ်ကီးလီၤ. (ရိမ့ၤ ၄း၂၀-၂၁).
လၢ ၁ မိၤရှ့ ၁၂း၁ - ၂၁း၇ အပူၤ, ပကထံၣ်ဘၣ်လၢ ကစၢ်ယွၤကတိၤတၢ်ဒီး စီၤအၤဘြၤဟၣ် ဒီး အၢၣ်လီၤ အီၤလၢ အကဟ့ၣ်အီၤ လၢ အစၢၤအသွဲၣ်တဂၤလီၤ. ဘၣ်ဆၣ် တၢ်ကီတၢ်ခဲန့ၣ် မ့ၢ်ဝဲ စီၤအၤဘြၤဟၣ် ဒီးအမါ နီၢ်စၤရါ ခံဂၤလၢၥ် အသးပှၢ်လံ, သးပှၢ်တဃဲးလံ. စီၤအၤဘြၤဟၣ် အိၣ်ဝဲ အနံၣ်တကယၤ, ဒီးအမါန့ၣ် အိၣ်ဝဲ အနံၣ် ခွံဆံ လံ. အဃိ ကအိၣ်ဒီးအဖိန့ၣ် တမ့ၢ်တၢ်ညီလၢၤဘၣ်. ဘၣ်ဆၣ် စီၤအၤဘြၤဟၣ် သ့ၣ်ညါဝဲလၢ ကစၢ်ယွၤကတိၤ တ့ၢ်တၢ်ဒီးအီၤ အဃိ အဝဲတကွၢ်တၢ်လၢ န့ဆၢၣ် အတၢ်ကီတၢ်ခဲလၢၤဘၣ်. မ့မ့ၢ်တခီ, အဝဲ သူၣ်လီၤ အတၢ်နၥ်လၢ ကစၢ်ယွၤ အတၢ်အၢၣ်လီၤအီလီၤ အပူၤ, ဒီးဟံးဃၥ်ဝဲ တၢ်အၢၣ်လီၤအီလီၤ ခီဖျိ စံးထီၣ်ပတြၢၤကစၢ်ယွၤ, ဒ်လံၥ်စီဆှံ လၢပဖးအီၤလၢ ထးအသိးလီၤ.
ယကတဲကဒီးတဘျီလၢ, ဒ်န့ဆၢၣ်အသိး စီၤအၤဘြၤဟၣ် န့ၣ် အတၢ်မုၢ်လၢ် အိၣ်ဝဲတသ့ဘၣ်. ဘၣ်ဆၣ်, စီၤအၤဘြၤဟၣ် ဆဲးမုၢ်လၢ်ဒံးဝဲ, အဝဲဒၣ်ဆဲးနၥ်ဒံးဝဲ ကစၢ်ယွၤအတၢ်အၢၣ်လီၤအီလီၤ အီၤလီၤ. အဝဲကွၢ်တၢ်အိၣ်သး လီၤတံၢ်လီၤဆဲး ဒီးသ့ၣ်ညါဝဲလၢ တၢ်တညီလၢအဂီၢ်ဘၣ်, လံၥ်စီဆှံမ့ၢ်တဲဝဲလၢ အဝဲဒၣ် အနီၢ်ခိက့ၢ်ဂီၤန့ၣ် ဒ်သိးဒၣ် ပှၤသံတဂၤအသိးလံ, ဒီးနီၢ်စၤရါ အဒၢလီၢ်န့ၣ် သံကွံၥ်ဝဲဒၣ်လံ, ဘၣ်ဆၣ် အဝဲဒၣ်တဟ့ၣ် အဃၣ်ဘၣ်. တၢ်အိၣ်သးမ့ၢ်အိၣ်ဒ်သိးအံၤဘၣ်ဆၣ်, စီၤအၤဘြၤဟၣ် တပၥ်တ့ၢ်အတၢ်နၥ်ဘၣ်, အဝဲဒၣ် အသးတဒ့ဒီလၢ ကစၢ်ယွၤအတၢ်အၢၣ်လီၤအီလီၤအပူၤဘၣ်. မ့မ့ၢ်တခီ, အတၢ်နၥ်ဆူၣ်ထီၣ် ဖဲအဝဲဒၣ် စံးထီၣ်ပတြၢၤကစၢ်ယွၤ အခါလီၤ.
ကစၢ်ယွၤ မ့ၢ်အၢၣ်လီၤအီလီၤနၤ ဒီး နအိၣ်ခိးအီၤလၢ အကလၢထီၣ်ပှဲၤထီၣ် အခါန့ၣ်, ဒ်စီၤအၤဘြၤဟၣ်အသိး, သ့ၣ်နီၣ်ထီၣ် တၢ်လၢကစၢ်ယွၤတဲနၤ ဒီး ဆဲးစံးထီၣ်ပတြၢၤယွၤတပယူၥ်ဃီတက့ၢ်.
