အဃိ, အပျဲၢ်ခံဂၤမၤဒ် ယ့ၣ်ရှူးမၢအီၤအသိးလီၤ. အဝဲသ့ၣ်ထံၣ်ဘၣ်ကသ့ၣ်ယီၤဖိလၢ ဘၣ်တၢ် စၢဃၥ်အီၤတဒု ဒ်ယ့ၣ်ရှူးတဲအီၤအသိးလီၤ. အဝဲသ့ၣ် ဃ့ၣ်လီၤကသ့ၣ်ယီၤအပျံၤအဖၢမုၢ် ပှၤသံကွၢ်အီၤ, “သုဃ့ၣ်လီၤကသ့ၣ်ယီၤ အပျံၤဘၣ်မနုၤလဲၣ်.” အဝဲသ့ၣ်စံးဆၢဝဲ, “ကစၢ်မၤအီၤအလီၢ်အိၣ်လီၤ.” ဝံၤဒီး ဟဲက့ၤစိၥ်ဝဲဆူယ့ၣ်ရှူးအအိၣ်လီၤ.
ဖဲအဝဲသ့ၣ် ဟဲက့ၤတုၤဆူ ယ့ၣ်ရှူးအအိၣ်န့ၣ်, အပျဲၢ်အဘီၣ်တနီၤ ဘီၣ်လီၤကွံၥ် အတၢ်ကူလၢ အဖီခိၣ်တကထၢ ဒီး ဒါလီၤအီၤလၢ ကသ့ၣ်ယီၤဖိအလိၤ, ဝံၤယ့ၣ်ရှူးဒိးထီၣ်ကသ့ၣ်ယီၤဖိန့ၣ် ဒီး လဲၤဝဲ ဆူ ဝ့ၢ်ယရူၤရှလ့ၣ် လီၤ.
တုၤအဝဲသ့ၣ် လဲၤဘူးထီၣ် ဝ့ၢ်ယရူၤရှလ့ၣ်, ဖဲကစၢၢ်သ့ၣ်စၤယံး အကျဲလဲၤလီၤဝဲန့ၣ်, ပှၤအါဂၤ ထံၣ်ယ့ၣ်ရှူးဟဲဝဲ, ဒီး လဲၤဃ့ၢ်ဝဲဆူယ့ၣ်ရှူးအအိၣ်, ဒီးသးဝံၣ်ထီၣ်ယွၤလၢအကလုၢ်ဖးဒိၣ်, မ့ၢ်လၢ အဝဲ သ့ၣ်ထံၣ်တ့ၢ်တၢ်လီၤလးတဖၣ် လၢ ယ့ၣ်ရှူးမၤတ့ၢ်ဝဲအဃိလီၤ.
ပှၤတနီၤနီၤ ဘီၣ်လီၤကွံၥ်အတၢ်ကူလၢ အဖီခိၣ်တထၢ, ဒါလီၤဝဲလၢကျဲလိၤ ဒ်သိး ကသ့ၣ်ယီၤဖိ ကယီၢ်အီၤ အဂီၢ်လီၤ. ပှၤအဂၤတနီၤ လဲၤဃ့ၢ်ဝဲဆူ သ့ၣ်ကျါလၢအဘူးဒီးအဝဲသ့ၣ်, ဒီးကျီဝဲ စူၣ်ပလူၣ်အဒ့ တဖၣ် ဒီးဒါလီၤအီၤလၢ ကျဲလိၤလီၤ.
ဒီးဖဲအဝဲသ့ၣ်လဲၤဘူးကတုၤ ဝ့ၢ်ယရူၤရှလ့ၣ် န့ၣ် ပှၤဂီၢ်မုၢ်ဟဲဘူးဒီးအီၤအါထီၣ် ဒီးသးဝံၣ် စံးထီၣ် ပတြၢၤ ကစၢ်ယွၤ လၢအကလုၢ်ဖးဒိၣ်, “ဟိၣ်စဲနၣ်, ပှၤလၢအဟဲလၢယွၤအမံၤတဂၤအံၤ မ်အဘၣ် တၢ်ဆိၣ်ဂ့ၤ တက့ၢ်. ဟိၣ်စဲနၣ်, ဟိၣ်စဲနၣ်.”
ဟိၣ်စဲနၣ်အခီပညီမ့ၢ် အုၣ်က့ၤခီၣ်က့ၤပှၤ (Save us).
ပှၤဖၤရံၤရှဲ တဖၣ် (ပှၤလၢအဆိကမိၣ်လီၤအသးလၢအမ့ၢ်ပှၤလၢအရ့ဒိၣ်, တၢ်ဘူၣ်တၢ်ဘါခိၣ်နၢ်) ဖဲအနၢ်ဟူ ပှၤဂီၢ်မုၢ် စံးထီၣ်ပတြၢၤကစၢ်ယွၤန့ၣ်, အဝဲသ့ၣ်တဲဘၣ်ယ့ၣ်ရှူး, “ဒူအဝဲသ့ၣ်အလိၤမီၣ်, မၢ အဝဲသ့ၣ်အိၣ်ဘှီၣ်မီၣ်.”
ယ့ၣ်ရှူးတဲဘၣ်အဝဲသ့ၣ်, “အခဲအံၤ အဝဲသ့ၣ် မ့ၢ်အိၣ်ဘှီၣ်ကလၥ်န့ၣ်, လၢၢ်တဖၣ်န့ၣ် ကကိး ပသူထီၣ်လီၤ.”
တုၤယ့ၣ်ရှူး ထံၣ်စိဃီၤ ဝ့ၢ်ယရူၤရှလ့ၣ်ဒီး အမဲၥ်ထံလီၤဝဲလီၤ. ယ့ၣ်ရှူးဟဲဝဲဒ်သိး ကမၤစၢၤ ပှၤလီၤ. ဘၣ်ဆၣ်, ပှၤတသ့ၣ်ညါလၢ အဝဲမ့ၢ်ကစၢ်ယွၤဘၣ်အဃိ, ပှၤတတူၢ်လိၥ်အီၤဘၣ်.
