.jpg)
ပှၤအံၣ်စရ့လးဖိတဖၣ် အၢၣ်လီၤဝဲလၢ ကပိာ်စီၤယိၤရှူအခံ ဒီး ဒိကနၣ် ကစၢ်ယွၤအလုၢ် ထီဘိ လီၤ. လၢ တၢ်ကူၣ်သ့အပူၤ, စီၤယိၤရှူ ဆှၢလီၤ ပှၤကွၢ်ဟုၣ်တၢ်ခံဂၤ လၢ ကီၢ်ကနၤဟၣ် အပူၤ လၢကဃု သ့ၣ်ညါ ဝ့ၢ်ယရံၤဃိ အဂ့ၢ်အကျိၤလီၤ. အံၣ်စရ့လး အတၢ်ဒုး အဆိကတၢၢ်တဘျီ ကမ့ၢ်ဝဲဖဲ ယရံၤဃိလီၤ.
ပှၤတဲဘၣ် ဝ့ၢ်ယရံၤဃိ အစီၤပၤလၢ ပှၤကွၢ်ဟုၣ်တၢ် အိၣ်ဝဲဖဲဝ့ၢ်ပူၤလီၤ. အဝဲ ဆှၢလီၤအသုးဖိ တဖၣ် လၢ ကဃု ပှၤတဖၣ်န့ၣ်လီၤ. အဝဲသ့ၣ်စးထီၣ် ကွၢ်ဃုဝဲလၢ နီၢ်ရၤဃး အဟံၣ်, တၢ်လီၢ်လၢ ပှၤကွၢ်ဟုၣ်တၢ် အိၣ်ဝဲ အလီၢ် လီၤ. ပှၤသုးဖိတဖၣ် ဒိတကျိာ်နီၢ်ရၤဃး အတြဲၤဆူၣ်ဆူၣ်ကလဲာ်, အဃိ နီၢ်ရၤဃး ပာ်ခူသူၣ် ပှၤကွၢ်ဟုၣ်တၢ် ခံဂၤ န့ၣ်ချ့ချ့လီၤ.
ပှၤသုးဖိတဖၣ် ဟးထီၣ်ကွံာ်ဝံၤအလီၢ်ခံ, နီၢ်ရၤဃးသူဝဲ ပျံၤတဘိလၢကစဲၤလီၤ ပှၤကွၢ်ဟုၣ်တၢ် ခံဂၤန့ၣ် လၢဝ့ၢ်ချၢအဂီၢ်လီၤ. ဘၣ်မနုၤအဃိ နီၢ်ရၤဃး ဘၣ်မၤစၢၤပှၤကွၢ်ဟုၣ်တၢ်ခံဂၤန့ၣ်လဲၣ်. မ့ၢ်လၢ အဝဲဒၣ် သ့ၣ်ညါလၢ ကစၢ်ယွၤန့ၣ်အိၣ်ဒီး အဝဲသ့ၣ်တဖၣ်အဃိလီၤ. နီၢ်ရၤဃး အဲၣ်ဒိးလၢ ကစၢ်ယွၤ ကဒုး မူဒံးအီၤလီၤ. ပှၤကွၢ်ဟုၣ်တၢ် ခံဂၤ န့ၣ်အၢၣ်လီၤဝဲလၢ ကပာ်မူဒံး နီၢ်ရၤဃးဒီး အဟံၣ်ဖိဃီဖိတဖၣ်လီၤ.
တချုးပှၤအံၣ်စရ့လးဖိတဖၣ် လဲၤတုၤဆူ ယရံၤဃိန့ၣ်, အဝဲသ့ၣ်ဘၣ်လဲၤ ခီဝဲ ယၢ်ဒ့ၣ်ထံကျိလီၤ. ဘၣ်ဆၣ် တိၤတအိၣ်နီတဘိဘၣ်. အဝဲသ့ၣ်ကခီဝဲဒ်လဲၣ်.
ကစၢ်ယွၤတဲဘၣ် စီၤယိၤရှူ လၢ ပှၤလုၢ်တၢ်အဒိၣ် ကဘၣ်ဆှၢ ပှၤဂီၢ်မုၢ်, စိာ်ဃုာ်ဒီး တလါထူ, လၢအပူၤ န့ၣ်အိၣ်ဒီး တၢ်မၤလိာ်အထံၣ်တဆံလီၤ. ဖဲပှၤလုၢ်တၢ်အဒိၣ် အခီၣ်ယီၢ်လီၤ ထံကျါန့ၣ်, ကစၢ်ယွၤ မၤတၢ်လီၤလး လီၤ. ကစၢ်ယွၤဒုးအိၣ်ထီၣ် ကျဲဃ့ထီတဘိလၢ ထံကျါလီၤ.
တုၤပှၤဂီၢ်မုၢ် ခီဂာ်ယၢ်ဒ့ၣ်လၢာ်ဝဲန့ၣ်, အဝဲသ့ၣ်ပာ်လီၤ လၢၢ်တဆံခံဖျၢၣ်လၢ ယၢ်ဒ့ၣ်အသးကံၢ်ပူၤ, ဒီး လၢၢ် အဂၤတဆံခံဖျၢၣ်လၢ ထံကျိကပၤလၢ ကီၢ်ကနၤဟၣ်တခီ လီၤ. မ့ၢ်ဒ်သိး ပှၤဂီၢ်မုၢ်တဖၣ် ကသိၣ်လိ အဖိအလံၤ ဘၣ်ဃး ကစၢ်ယွၤအတၢ်စိတၢ်ကမီၤ ဒီး အတၢ်အဲၣ်တၢ်ကွံ အဂ့ၢ်လီၤ.
ယရံၤဃိအိၣ်ဒီးဝ့ၢ်ခိၣ်ဒူလၢ အကျၢၤမးလီၤ. ဖဲစီၤယိၤရှူ သုးကျဲၤလၢ ကဒုးဝ့ၢ်ယရံၤဃိအခါန့ၣ်, ကစၢ်ယွၤ ဆှၢလီၤ အသုးမုၢ်အခိၣ် လၢကဒုးသ့ၣ်နီၣ် စီၤယိၤရှူလၢ ကစၢ်ယွၤမ့ၢ်ပှၤလၢ အမၤနၢၤ တၢ်ဒုး လၢ အပှၤဂီၢ်မုၢ်အဂီၢ် လီၤ.
ကစၢ်ယွၤတဲဘၣ်စီၤယိၤရှူလၢ ကဘၣ်ဒုးဝ့ၢ်ယရံၤဃိဒ်လဲၣ်လီၤ. ပှၤဂီၢ်မုၢ် ကဘၣ်လဲၤတရံး ဝ့ၢ်န့ၣ် တနံၤတဘျီလၢ ဃုနံၤအတီၢ်ပူၤ, ဒီး နွံနံၤတနံၤန့ၣ် ကဘၣ်တရံးဝဲနွံဘျီလီၤ. ဝံၤအလီၢ်ခံ, အဝဲသ့ၣ် ကဘၣ် အူထီၣ်ကွဲၤ ဒီး ကိးပသူထီၣ်, ဒီးဝ့ၢ်အခိၣ်ဒူန့ၣ် ကလီၤပှီၢ်ဝဲလီၤ.
စီၤယိၤရှူဒီး အသုးဖိတဖၣ် မၤဝဲဒ် ကစၢ်ယွၤမၤလိာ်အီၤ အသိးလီၤ. တုၤအဝဲသ့ၣ်တရံးဝ့ၢ်နွံဘျီ, ဖဲနွံ နံၤတနံၤဝံၤအလီၢ်ခံ, ပှၤလုၢ်တၢ်အဒိၣ်အူထီၣ်ကွဲၤလီၤ. ဒ်ကစၢ်ယွၤ အၢၣ်လီၤတ့ၢ်ဝဲအသိး, ဝ့ၢ်ယရံၤဃိ အခိၣ်ဒူလၢ အကျၢၤဝဲန့ၣ် လီၤပှီၢ်ကွံာ်ဝဲလီၤ.
ထဲဒၣ်နီၢ်ရၤဃးအဟံၣ်န့ၣ် ပူၤဖျဲးဝဲ, မ့ၢ်လၢ အဝဲဒၣ် ပာ်လီၤတ့ၢ် ပျံၤအဂီၤတဘိလၢ အဟံၣ်ပဲတြီဖိ အချၢ အဃိလီၤ. စီၤယိၤရှူအပှၤတဖၣ် မၤချ့ချ့ဒီး မၤပူၤဖျဲးကွံာ် နီၢ်ရၤဃးဒီး အဟံၣ်ဖိဃီဖိလီၤ. ဝံၤ အလီၢ်ခံ, ယရံၤဃိ န့ၣ်ဘၣ်တၢ်မၤဟးဂီၤအီၤ ဒ်ကစၢ်ယွၤမၢလီၤဝဲအသိးလီၤ.
တၢ်န့ၣ်ဝံၤအလီၢ်ခံ, ပှၤလၢအအိၣ်လၢကီၢ်ကနၤဟၣ်အပူၤတဖၣ် နၢ်ဟူ စီၤယိၤရှူ မၤနၢၤကွံာ် ယရံၤဃိ ဒ်လဲၣ်အဂ့ၢ် လီၤ. အဝဲသ့ၣ် သ့ၣ်ညါလၢ ကစၢ်ယွၤအိၣ်ဒီး အပှၤဂီၢ်မုၢ်တဖၣ်လီၤ.
.jpg&description=စီၤယိၤရှူဒုးန့ၢ်ဝ့ၢ်ယရံၤဃိ){kind=link}