တၢ်သ့ၣ်နီၣ်ထီၣ်က့ၤ ပှၤတီပှၤလိၤန့ၣ် ဘၣ်ဆိၣ်ဂ့ၤဝဲလီၤ. မ့မ့ၢ် ပှၤတတီတလိၤ အမံၤကအုၣ်ကျၣ်လီၤ. (ကတိၤဒိ - ၁၀း၇).ပှၤကူၣ်ကဲထီၣ်တၢ်တဂၤ လၢအမ့ၢ် ခၠါခဲးထၢၣ်ရ့ (Charles F. Kettering) တဘျီစံးဝဲ, “တၢ်အဒိၣ်ကတၢၢ်တမံၤ လၢပှၤတစိၤအံၤ မၤဝဲသ့န့ၣ် မ့ၢ်တၢ်ပာ်လီၤလၢၢ်ခၢၣ်သနၢၣ် လၢပှၤလၢခံတစိၤ ကယီၢ်ဝဲ အဂီၢ်လီၤ.” လၢတၢ်ဆၢ ကတီၢ်ဖုၣ်ဖုၣ်ဖိအပူၤန့ၣ်, ဖဲပှၤတဲကဒါက့ၤနမံၤအခါန့ၣ် အဝဲသ့ၣ်ကတဲသကိးတၢ်လၢ တၢ်ပာ်ဒိၣ်ပာ်ကဲနၤအပူၤ ဘၣ်ဃး တၢ်လၢနမၤန့ၢ်အီၤ လၢနကစၢ်ဒၣ်နဲအဂီၢ်လီၤ. လၢတၢ်ဆၢကတီၢ်ဖးယံာ်အဂီၢ်တခီ, တၢ်လၢအဝဲသ့ၣ် ကသ့ၣ်နီၣ် အဒိၣ်ကတၢၢ်န့ၣ်မ့ၢ်ဝဲ တၢ်လၢ နမၤလၢ ပှၤဂၤအဂီၢ်န့ၣ်လီၤ.
လၢတၢ်န့ၣ်အဃိ, လံာ်စီဆှံစံးဝဲ, “တၢ်သ့ၣ်နီၣ်ထီၣ်က့ၤ ပှၤတီပှၤလိၤန့ၣ် ဘၣ်ဆိၣ်ဂ့ၤဝဲလီၤ. မ့မ့ၢ် ပှၤတတီတလိၤ အမံၤကအုၣ်ကျၣ်လီၤ.” (ကတိၤဒိ - ၁၀း၇). နမ့ၢ်အဲၣ်ဒိးကဲထီၣ်တၢ်ဆိၣ်ဂ့ၤလၢပှၤဂၤအဂီၢ်န့ၣ်,-
(၁). နကဘၣ်သူၣ်အိၣ်သးအိၣ်ပှၤဂၤ, ဒီးဒုးနဲၣ်နတၢ်သူၣ်အိၣ်သးအိၣ် ခီဖျိနတၢ်ဖံးတၢ်မၤလီၤ.
(၂). နကဘၣ်သ့ၣ်ညါပာ်လုၢ်ပာ်ပှ့ၤ တၢ်ဟ့ၣ်သါလၢအဂ့ၤ န့ၣ်အိၣ်ဒီး တၢ်ဒိၣ်တၢ်မုၢ်ဒီး ကဲထီၣ်တၢ်ဆိၣ်ဂ့ၤလၢ ပှၤဂၤ အဂီၢ်သ့ဝဲဒ်လဲၣ်န့ၣ်လီၤ.
ကူၣ်သ့ပီညါပှၤသ့ပှၤဘၣ် အဲထၢၤထြူဘျၢး (D. Elton Trueblood) ကွဲးဝဲ, “ဖဲပသူၣ် သ့ၣ်လၢအကကဲထီၣ် တၢ်ကဒု လၢပသ့ၣ်ညါလၢ ပတဆ့ၣ်နီၤဘၣ်လၢ အကဒုလာ်နီတဘျီ ဘၣ်န့ၣ်, မ့ၢ်ပစးထီၣ် သ့ၣ်ညါနၢ်ပၢၢ် ပှၤဟီၣ် ခိၣ်ဖိအတၢ်အိၣ်မူ အခီပညီလံ န့ၣ်လီၤ.”
ပှၤကတိၤတၢ်မံၤဟူသၣ်ဖျါ လၢအမ့ၢ် ဟဲနရံၤဘံခၠၢၣ် (Henry Ward Beecher) စံးဝဲ, “ပကဘၣ်အိၣ်မူ ဒီးမၤတၢ် လၢပစိၤပဆၢကတီၢ်အံၤ ဒီး တၢ်လၢကဟဲက့ၤကဒါက့ၤဆူ ပအိၣ်ဒ်တၢ်ချံအသိးန့ၣ်, ကလဲၤဆူပှၤလၢခံတစိၤ အအိၣ် ဒ်သ့ၣ်မဲထီၣ်သီအသိး, ဒီး တၢ်လၢ ကဟဲက့ၤကဒါက့ၤဆူ ပအိၣ်ဒ် သ့ၣ်မဲထီၣ်သီအသိးန့ၣ်, ကလဲၤဆူ ပှၤလၢခံတစိၤအအိၣ်ဒ် တၢ်သူတၤသၣ်အသိးန့ၣ်လီၤ. တၢ်အံၤပာ်ဖျါထီၣ် တၢ်သးသဟီၣ်အမ့ၢ်အတီ လၢ တၢ်အဲၣ်ဘၣ် ပှၤကညီအပူၤန့ၣ်လီၤ.”
အဃိ, နတၢ်ဟ့ၣ်သါမ့ၢ်တၢ်မနုၤလဲၣ်. နကဘၣ်ပာ်ပတုၤမၤတၢ်မနုၤလဲၣ်. နကဘၣ်စးထီၣ်မၤတၢ်မနုၤလဲၣ်. မ့တမ့ၢ်, မ့ၢ်နစးထီၣ်ဒုးကဲထီၣ်လိၣ်ထီၣ်အီၤလံဧါ. နကစးထီၣ်ဆိကမိၣ်ဘၣ်ဃး တၢ်လၢနအဲၣ်ဒိးလၢ နတၢ်အိၣ်မူ ကကဲ ထီၣ်တၢ်ဘျုးတၢ်ဖှိၣ်ဖဲ နတအိၣ်လၢၤအဆၢကတီၢ်န့ၣ်, တမ့ၢ်လၢၤ တၢ်ဆိတလၢ လၢၤဘၣ်. ဒ်လံာ်ပရၢ အကတၢၢ် တကျိၤကွဲးဝဲအသိး, နတၢ်အိၣ်မူ တဲပှၤလၢအပိာ်နခံတဖၣ်ဒ်အံၤ, “အဝဲအံၤမ့ၢ် တၢ်ခဲလၢာ်ခဲဆ့လၢ အဘၣ်ဃးဒီး ယတၢ်အိၣ်မူန့ၣ်လီၤ.”
 ){kind=link}