ဒ်သိး တၢ်အဲၣ်လၢနအဲၣ်ယၤအံၤ, ကအိၣ်လၢအပူၤဒီး ယကအိၣ်လၢအပူၤဒီး, ယဘိးဘၣ်သ့ၣ်ညါ လံအီၤလၢနမံၤ, ဒီး ယကဘိးဘၣ်သ့ၣ်ညါလီၤ. (ယိၤဟၣ် - ၁၇း၂၆).
တချုးကစၢ်ခရံာ်ဘၣ်တၢ်ဖီၣ်အီၤဒီး ပျၤထီအီၤလၢထူၣ်စုညါလိၤဒံးဘၣ်န့ၣ်, ဘါထုကဖၣ်ဝဲဒ်အံၤ, “တၢ်တီ တၢ်လိၤပၢ်ဧၢ, ဟီၣ်ခိၣ်တသ့ၣ်ညါဘၣ်နၤဘၣ်. မ့မ့ၢ်ယဲဒၣ်အံၤ, ယသ့ၣ်ညါနၤဒီး အဝဲသ့ၣ်တဖၣ်အံၤ, သ့ၣ်ညါလၢ နမၢလီၤယၤလီၤ. ဒီးဒ်သိး တၢ်အဲၣ်လၢနအဲၣ်ယၤအံၤ, ကအိၣ်လၢအပူၤဒီး ယကအိၣ်လၢ အပူၤဒီး, ယဘိးဘၣ်သ့ၣ်ညါလံအီၤလၢနမံၤ, ဒီးယကဘိးဘၣ်သ့ၣ်ညါလီၤ.” (ယိၤဟၣ် ၁၇း၂၅-၂၆). ဒ်သိး ပကသ့ၣ်ညါလၢ ကစၢ်ယွၤအိၣ်ဒီးပှၤလၢ ပတၢ်အိၣ်မူအပူၤန့ၣ်, ခရံာ်ဖိအပှၤကွဲးလံာ်, ကၠီအီးဘၢး စံးဝဲဒၣ်, အဝဲဒၣ်အိၣ်မူဒ် တၢ်မ့ၢ်တၢ်တီတဆံခံထံၣ် ဒ်လၢလာ်အံၤအသိးလီၤ.
- (၁). ယထံၣ်အီၤမ့ၢ်ဂ့ၤတထံၣ်အီၤမ့ၢ်ဂ့ၤဒၣ်လဲာ် ကစၢ်ယွၤအိၣ်လၢယတၢ်အိၣ်မူအပူၤ ဒီးမၤတၢ်ထီဘိလီၤ.
-
(၂). တၢ်သ့ၣ်ညါဒီး လဲၤခီဖျိဘၣ် ကစၢ်ယွၤအတၢ်အိၣ်ဒီးယၤန့ၣ် မ့ၢ်တၢ်တခါလၢ ယမၤလိန့ၢ်အီၤ, အဃိ ယမၤန့ၢ်အီၤသ့ဝဲလီၤ.
-
(၃). ယတၢ်မၤန့ၣ် မ့ၢ်တၢ်ဘၣ်သဂၢၢ်ဒီးကစၢ်ယွၤလၢ တၢ်ဆၢကတီၢ်အခဲအံၤအပူၤလီၤ.
-
(၄). ယဘၣ်တၢ်လွဲန့ၢ်ယၤ လၢကအိၣ်မူလၢ တၢ်ဆၢကတီၢ်အခဲအံၤ အချၢ, အဃိ ယမ့ၢ်မၤဒ်န့ၣ်ဒီး, ယပလၢၣ်ဘၣ် ကစၢ်ယွၤအတၢ်အိၣ်ဒီးယၤတသ့ဘၣ်.
-
(၅). တဘျီတခီၣ် ဖျါလီၤဂာ်ဒ် ကစၢ်ယွၤအိၣ်ယံၤဒီးယၤ လၢတၢ်ဂ့ၢ်လၢယတသ့ၣ်ညါဘၣ်အပူၤ, အဃိ ဖဲန့ၣ်အဆၢကတီၢ် စ့ၢ်ကီး မ့ၢ်တၢ်ခွဲးတၢ်ယာ်အဂ့ၤလၢ ယကမၤလိန့ၢ်တၢ်အဂီၢ်လီၤ.
-
(၆). ယမ့လီၤဃံၤတဘျီလၢ်လၢ်, ယဂဲၤဆၢထၢၣ်က့ၤတဘျီဃီ ဒီး စးထီၣ်က့ၤအီၤသ့ဝဲတဘျီဃီလီၤ.
-
(၇). ပကလဲၤခီဖျိဘၣ် ကစၢ်ယွၤအတၢ်အိၣ်ဒီးပှၤ တုၤဆံးယံာ်ဆံးအါန့ၣ် ပှၤတသ့ၣ်ညါနီတဂၤဘၣ်.
-
(၈). ယတၢ်သူၣ်အိၣ်သးအိၣ်ကစၢ်ယွၤမ့ၢ်ထီၣ်ထီၣ်လီၤလီၤ ဘၣ်ဆၣ်, ကစၢ်ယွၤအတၢ်သူၣ်အိၣ်သးအိၣ် ယၤ တကဒံကဒါနီတဘျီဘၣ်.
-
(၉). တၢ်ဆိကမိၣ်ကိးမံၤဒဲး ဟဲစိာ်ဃုာ်ဒီး နီၣ်သးအတၢ်ဟ့ၣ် အဃိ ဆှၢယၤဘူးထီၣ်ဆူ ကစၢ်ယွၤ အအိၣ် သ့ဝဲဒၣ်အသိး ဆှၢယၤယံၤထီၣ်ဒီး ကစၢ်ယွၤသ့ဝဲလီၤ.
-
(၁၀). တၢ်လၢအအိၣ်ဒီးယၤခဲလၢာ်, ယတၢ်အိၣ်မူ, ယတၢ်ဖံးတၢ်မၤ, ယတၢ်ရ့လိာ်ဘၣ်ထွဲ, ယတၢ်သးစဲ တဖၣ် ခဲလၢာ် ကစၢ်ယွၤအသးစဲဝဲလီၤ.
-
(၁၁). ယကျဲလၢ ယကလဲၤခီဖျိဘၣ်ကစၢ်ယွၤ အတၢ်အိၣ်ဒီးယၤန့ၣ် တလီၤဂာ်ဒ်သိးဒီး ပှၤအဂၤသ့ၣ် တဖၣ် ဘၣ်.
-
(၁၂). တၢ်ထဲးဂံၢ်ထဲးဘါ ဒီး တၢ်မၤတၢ်လၢာ်ဂံၢ်လၢာ်ဘါန့ၣ် တမၤစၢၤနၤဘၣ်.
အဃိ, တနွံအံၤအဂီၢ်တၢ်ကစီၣ်န့ၣ် မ့ၢ်ဝဲ, ကစၢ်ယွၤမၤတၢ်လၢနပူၤ, ဃုာ်ဒီးနၤ, ဒီး ခီဖျိနၤလီၤ.
